receitas, artigos, sabías que? trucos, +cociñas, cociñando palabras, de cine, de literatura

luns, 19 de decembro de 2016

TRONCO DE TRUFA

Xa estamos de cheo nos preparativos da festa do Nadal e as vacacións no punto de 
mira. Xa as podemos tocar coa man. E como remate de festa decidimos facer o 
TRONCO.
Sinxelo. Rico. 
Despedimos o ano 2016 docemente con esta proposta. Grazas a todos e a todas 
por estar connosco e coa nosa Cociña de Andersen.
Felices e doces festas.




TRONCO DE TRUFA
           
Ingredientes do biscoito

·         65 g de fariña de améndoa
·         60 g de azucre glas
·         2 ovos e 3 claras
·         1 belisco de sal
·         15 g de azucre
·         25 g de fariña
·         25 g de manteiga

Ingredientes para a trufa

·         90 g de chocolate negro de cobertura
·         70 g de nata co 35% de materia grasa

Preparación

1.  Disolver o chocolate troceado na nata fervendo. Deixar repousar e bater enérxicamente.

2.    Bater: fariña de améndoa + azucre + ovos, 7 ´aprox.

3.    Montar as claras a punto de neve co sal. Cando estean escumosas, engadir o azucre e despois a fariña baturada. + manteiga fundida.

4.    Dispoñer a masa nunha capa fina e uniforme nunha fonte con papel de forno. Ao forno a 240ºC, 6´aprox.

5.    Sacala e envolvela nun pano húmido para que colla forma. Estirala e recheala de trufa. Enrolala de novo e cubrila co resto da trufa facendo incisións para semellar un tronco.


venres, 9 de decembro de 2016

POLVORÓNS DE AMÉNDOA

Xa están aquí as festas navideñas e temos que surtirnos de propostas para elaborar con calma pero con agarimo. Adiante coa primeira elaboración!



POLVORÓNS DE AMÉNDOA
           
Ingredientes

·         200 g de fariña
·         125 g de manteiga de porco
·         125 g de améndoa moída
·         Un limón
·         150 g de azucre glas

Preparación

1.    Remexer a manteiga a temperatura ambiente ata que estea cremosa.

2.    Engadir a fariña baturada + azucre e amasar cos dedos ata incorporalos.

3.    + reladura de limón + ½ zume de limón e seguir traballando a masa.

4.  Coa masa homoxénea engadir a améndoa e amasar ata integrala. Tapar cun pano e repousala 1h.

5.  Estirala e formar unha prancha de 1 ½ cm de grosor. Cortala con moldes e colocalos nunha placa con papel de forno.

6.   Ao forno prequecido a 160ºC / 30´ aprox. Arrefrialos e cubrir con azucre glas.






mércores, 23 de novembro de 2016

CROQUETAS DE MEXILLÓNS

Croquetas con sabor a mar.
Un toque mariñeiro para os  nosos padais.
Coma sempre que cociñamos algo novedoso, o noso equipo de cociña tivo que facer fronte a texturas e cores no proceso de elaboración que suscitaban caras raras e dúbidas. Pero o produto final conseguiu eliminalas todas. Un novo éxito na elaboración e degustación das croquetas de mexillóns.

Aquí vos deixamos unha pequena mostra do traballo que supón a extracción e posibilidades de consumo desde bivalvo.








CROQUETAS DE MEXILLÓNS
           
Ingredientes

·         500 g de mexillóns frescos
·         1 lata de mexillóns en escabeche
·         50 g de fariña
·         250 ml de leite
·         40 g de manteiga
·         1porro
·         ½ cebola
·         Pementa, chisco de noz moscada
·         Ovos, pan relado, sal e aceite

Preparación

1.  Limpar e lavar os mexillóns frescos. Cocelos ao vapor 2-3´aprox. ata que abran.

2.  Escorrer os mexillóns en escabeche e reservar o líquido e mesturalo co da cocción. Triturar todos os mexillóns.

3.   Picar e sofreír a cebola e o porro coa manteiga 10´aprox. Saozar e triturar todo.

4.    Colocar de novo na tixola + fariña. Tostala. + Leite + noz moscada + pementa + caldo (pouco a pouco).

5.   Cocer 15´aprox. Sen deixar de remexer ata que colla consistencia. + Mexillóns. Reservar na neveira.

6.  Facer porcións coa pasta e formatear ao gusto. Pasar por pan relado / ovo batido / pan relado. Fritir no aceite ata que doren. Servir.





xoves, 17 de novembro de 2016

A EVOLUCIÓN DE CALPURNIA TATE


“Mamá repasó su libro y planificó la cena del domingo mientras Viola intentaba guiarme por el arduo sendero de la elaboración de masas. Le había visto hacer un millón de pasteles al pasar por la cocina y siempre me había parecido muy fácil. Nunca medía nada, sino que cocinaba a ojo, por instinto y por tacto, echando puñados de harina y cachos de manteca del tamaño de un pulgar, y regándolo todo con más o menos agua fría, según. No tenía nada de especial. Cualquier idiota lo aprendería en un par de minutos.
Y una hora más tarde ahí estaba yo, jadeando y azotando mi tercer cuenco de masa, con mamá y Viola más incrédulas a cada minuto. La primera tanda había salido aguada y llena de grumos; la segunda, tan espesa que no pude amasarla con el rodillo; la última había resultado pegajosa como cola de papel pintado, y con la misma consistencia poco atractiva. Tenía las manos y el delantal embadurnados, y también lo estaban la encimera y el mango de la bomba, y en el pelo llevaba pegotes enganchados.”




cALPURNIA VIRXINIA TATE, CALLIE VEE, É UNHA NENA QUE VIVE NUN PEQUENO POBO DE TEXAS. a PESAR DE QUE A SUA NAI INSISTE EN QUE APRENDA A TOCAR O PIANO, COSER E COCIÑAR, ELA ESTÁ MÁIS INTERESADA NO QUE OCORRE TRAS A PORTA PECHADA DA BIBLIOTECA, OU NO LABORATORIO DO SEU AVÓ. POUCO A POUCO IRÁ GAÑÁNDOSE A ESTE SEÑOR apartadizo E COMEZARÁ A COLABORAR CON EL NAS SÚAS OBSERVACIÓNS DO MEDIO NATURAL, APRENDERÁ QUEN É DARWIN, QUE SON AS ESPECIES E AS SUBESPECIES E TAMÉN O IDIOTAS QUE SE VOLVEN OS SEUS IRMÁNS CANDO NAMóRANse.


Data de publicación orixinal: 12 de maio de 2009
AutoraJaqueline Kelly
EditorialHenry Holt and Company
XéneroLiteratura xuvenil, Ficción histórica
PremiosMedalla Newbery
NominaciónsGoodreads Choice Award na Categoría Infantil



mércores, 16 de novembro de 2016

cine: RATATOUILLE

Remy é unha rata que soña con ser chef. O destino lévaa ós sumidoiros de París, pero a súa situación non podería ser mellor, xa que se encontra xusto debaixo dun restaurante que se fixo famoso grazas a Auguste Gusteau, unha estrela da cuisine. A pesar do perigo que representa ser un visitante pouco común (e desde logo nada desexado) nos fogóns dun exquisito restaurante francés, a paixón de Remy pola cociña pon patas arriba o mundo culinario parisino nunha divertidísima e emocionante aventura.
Remy debátese entre a súa vocación e máxima paixón da súa vida e a idea de volver á súa anterior vida de roedor. Pero serviralle para aprender o valor da amizade, a familia e a importancia de ser un mesmo. Neste caso, unha rata que quere ser chef.
trailer RATATOUILLE


sábado, 12 de novembro de 2016

CARL WARNER: ARTE CON ALIMENTOS


O fotógrafo CARL WARNER sumérxenos nesta máxicas e suculentas paisaxes con alimentos. Xunto co seu equipo, peza a peza, alimento a alimento...¿feitos para soñar ou degustar?









PASTEL DE GALLETAS CON TOFFEE E CHOCOLATE


RICA!
Na líña da archicoñecida "tarta da avoa" pero con outros toques. Por suposto que con outros sabores e texturas.
Por certo, a prantiña de HERBABOA... É DO NOSO XARDÍN GASTRONÓMICO!!!




PASTEL DE GALLETAS CON TOFFEE E  CHOCOLATE
           
Ingredientes

·         300 g de chocolate negro
·         300g de galletas
·         290 g de azucre
·         3 ovos
·         250 g de manteiga
·         200 ml de leite
·         200 ml de nata para cociñar
·         1 culleriña de café soluble descafeinado

Preparación

1.    Fundir 150 g de manteiga + 150 g de chocolate ao baño María.

2.   Bater as xemas + 120 g de azucre e engadilas á mestura do chocolate. + As claras a punto de neve de forma envolvente.

3.  Calentar 150 g de azucre ata obter un caramelo dourado. Engadir pouco a pouco e removendo 150 g de nata quente. + 50 g de manteiga abrandada.

4. Bañar as galletas (sen empapalas) no (leite + 20g de azucre + o café). Colocalas nun molde rectangular forrado con papel de forno. Capa de galletas-toffee-chocolate. Nesta orde ata acabar cos ingredientes. Rematamos con capa de galletas. Á neveira, dúas horas.

5.    Fundir o chocolate, manteiga e nata restantes ao baño María. Cubrir o pastel e arrefriar de novo.