SAMAÍN

NON ENTRES! 

NON PODERÁS SAÍR!

TARTA DE CASTAÑAS

Tempo de castañas!

E nós non poidamos faltar á cita. Aquí tedes a receita que xa tivemos a ocasión de presentar alá polo ano 2011, cando o noso obradoiro de cociña botou a andar co novo formato.

Explosivamente rica! 

Calorías a tope! Pero o pracer de degustala paseniñamente non nolo quita ninguén.

Fácil de facer e agradecida para calquera reunión de Magosto. 

Bo proveito!

TARTA DE CASTAÑAS

               

Ingredientes

·         Tres pranchas de masa de biscoito

·         400 g de nata para montar

·         100 g de azucre glacé

·         150 g de chocolate negro

·         1 bote mediano de castañas en xarope

·         1 bote de doce de leite

·         1 culleriña de esencia de vainilla

·         (xarope opcional = 125ml auga + 50g azucre ou o xarope das castañas)*

Preparación

1.  Nun bol: 300 g de nata para montar. Bater a punto de nata engadindo pouco a pouco  100 g de azucre glacée e reservar na neveira.

2.  Noutro bol: 100 g de nata + chocolate troceado. Derreter ao baño María. Retirar e reservar.

3.  Reservar o xarope das castañas para pincelar as pranchas de biscoito. Tallalas e remexelas coa vainilla.

4.  Montar a tarta: disco de biscoito + capa de doce de leite + castañas talladas + biscoito* + nata montada e castañas talladas + biscoito.

5.  Cubrir coa crema de chocolate toda a superficie da tarta e arrefriar na neveira. 

Non te quedes coas ganas de saber máis sobre elas!

RECETARIOS CON CASTAÑAS

ETNOGRAFÍA: SOUTOS, CASTAÑAS E SEQUEIROS NO CAUREL

VÍDEOS SOBRE A CASTAÑA

QUICHE LORRAINE DE COGOMELOS

"A palabra vén da palabra Quiché, Küche no dialecto Lorraine, falado na rexión de Lorena, no nordeste de Francia e xa fronteirizo con Alemaña. Este termo deriva á súa vez do alemán (torta) Kuchen. (...)

A receita para a Quiche Lorraine vén da rexión de Lorena, en Francia e consiste nunha torta salgada aberta feita con masa brisa (masa quebrada), á cal vérteselle unha salsa de crema de leite fresco (crème frache, en francés) e ovo derramado chamada migaína. A migaína aromatízase con pementa negra e noz moscada moídas. Esta receita orixinal é coñecida da que proceden todas as outras variantes de quiché. A palabra apareceu por primeira vez en Nancy, en Lorraine en 1605. Inicialmente, o recheo consistía só de ovos e crema de leite ou nata fresca (ás veces relado de gruier). No século XIX, engadíronselle pequenas tiras ou tacos de touciño entrefebrado, frescas ou afumadas, que caracterizan o quiche lorraine de hoxe ".

FONTE: https://es.wikipedia.org/wiki/Quiche

E gustounos! 
Xa tiñamos experimentado con ela. O resultado...? Non sobrou nada! Incluso os/as reticentes a probala con cogomelos non deixaron de probala e aceptaron que estaba rica. A cociña de Andersen tamén serve de trampolín para probar novas cousas.

QUICHE  LORRAINE DE COGOMELOS

               

Ingredientes para a masa quebrada

·         150 g de fariña

·         70 g de manteiga

·         ½  culleriña de sal

·         ½  culleriña  de azucre

·         1 xema de ovo

·         Un chorriño de leite

Ingredientes para o recheo

·         Cogomelos

·         Tiras de touciño entrefebrado

·         200 g queixo relado

·         Pemento morrón

·         250 cl de nata líquida

·         4 ovos

·         Perexil / Allo

·         1 vaso de leite fría

Preparación

1.  Misturamos todos os ingredientes nesa orde. Facemos unha bóla e forrada con film a metemos na neveira media hora.

2.  Nun molde encamisado (manteiga e fariña) estiramos a masa. Ao forno,10´- 15´ a 180ª  sin que dore. Pintamos con clara de ovo para impermeabilizala e un minuto ao calor do forno.

3.   Pasamos pola tixola os cogomelos + allo. Posteriormente engadimos: touciño entrefebrado e un pouco de queixo. Botamos o perexil.

4.   Bater os ovos coa nata e o leite.

5.   Colocamos na base o recheo e engadimos a cantidade necesaria do apartado 4  máis o resto do queixo por riba.

6.   Ao forno a 180º ata que calle e dore. 

BICA GALEGA

Un acto de xenerosidade da nosa compañeira LUCÍA que deixou que nos adentrasemos na repostería tradicional galega ao deixarnos a súa ben querida e deliciosa receita da BICA. Grazas Lucía.

ESPECTACULAR!

BICA GALEGA (Lucía)

           

Ingredientes

·         4 ovos

·         400 g de azucre

·         200 g de manteiga

·         200 ml de nata líquida

·         400 g de fariña

·         1 sobre de levadura en po

·         Azucre para esparexer

Preparación

1.   Bater nun bol: azucre + ovos ata que a mistura estea homoxénea. + Nata e seguir remexendo.

2.    + (Fariña e levadura) e incorporar todo.

3.    + Manteiga reblandecida e seguir batendo ata mesturalo todo.

4.   Nun molde cadrado e forrado con papel de forno botar a masa e esparexer con abundante azucre glace.

5.    Ao forno prequecido a 180º / 35-40´. Comprobar a cocción.