receitas, artigos, sabías que? trucos, +cociñas, cociñando palabras, de cine, de literatura

luns, 30 de novembro de 2015

TRENZA DE FROITOS SECOS E ARANDOS


ENSAIO -ERROR. As cousas non sempre saen á primeira. E a nós, tampouco. 
O primeiro intento saínos pouco feito no interior, estaba claro que ese non era o seu punto. Despois da cata, o noso equipo de CHEFS foi unánime: crúa.
Respetamos as características de cocción da receita orixinal (a 180ºC) e non puido ser,  tivemos que subir a temperatura no novo intento, a 200ºC. 
E a proba tédela diante.
A cociña ten o seu aquel e hai que dar con el.






TRENZA DE FROITOS SECOS E ARANDOS
           
Ingredientes

·         1 prancha de masa follada
·         50 g de noces
·         50 g de pistachos
·         50 g de arandos
·         Natillas
·         Unha clara de ovo
·         50 g de azucre glace
                                              
Preparación

1.    Picar lixeiramente os froitos secos e misturalos cos arandos.

2.   Estirar a masa follada e cubrila coas natillas sen chegar aos bordos. Engadir os froitos secos.

3.   Dobrar a masa sobre o recheo. Á neveira 10´ para poder manexala logo mellor.

4.    Cortala pola metade ao longo sen chegar ao final, teñen que quedar unidas.

5.  Trenzar as dúas tiras deixando o recheo á vista, cara arriba. Ao forno 30´ aprox. a 200ºC

6.    Bater a clara coa azucre e pintar a trenza co glaseado e introducila de novo no forno, xa apagado, 8´

7.    Arrefriar e servir.



ARANDOS


Na nosa receita de TRENZA DE FROITOS SECOS E ARANDOS empregámolos sustituíndo as pasas de Corinto. Desexabamos darlle un toque distinto á nosa proposta doce da semana. 
Pensando nas festas de  Nadal podería ser un postre do agrado de todos e fácil de facer.



          ARANDEIRA / ARANDOS



martes, 24 de novembro de 2015

ARROZ MELOSO CON LANGOSTINOS

Claro que disfrutamos coa receita. A medida que iamos integrando os ingredientes, un glorioso arrecendo comezaba a invadir a cociña e apuraba aínda máis as gañas de rematar para saborear o resultado.
E abofé que non andabamos desencamiñados.
UNHA MELOSA DELICIA!




ARROZ MELOSO DE LANGOSTINOS
           
Ingredientes

·         300 g de arroz de gran redondo
·         10 langostinos
·         ½ porro / ceboliño
·         1 cebola
·         1 dente de allo
·         1 vasiño de viño branco
·         2 tomates / 1 culler tomate concentrado
·         Pemento vermello
·         Caldo de peixe
·         100 ml de aceite de oliva
·         2 culleres de manteiga
·         Sal e pementa
                                              
Preparación

1.   Picar a cebola, o allo e o porro (limpo e lavado).

2.   Pelar os langostinos e sofreír as cascas e as cabezas 5´ cun pouco de aceite. Apretalas para que solten o xugo. Engadir o viño, cocer 2´ e bañar co caldo de peixe quente. Reducir 10´-15´.

3.   Saltear os langostinos (torados) coa manteiga e a metade do aceite. Retiralas.

4.    Nese aceite, + (cebola, allo, porro, pemento) 8´. + Tomate relado 10´.

5.    Engadir o arroz, salpimentalo e perlalo 1´, sen deixar de movelo.

6.   Engadir o caldo coado (1arroz x 3 caldo), pouco a pouco, e cocer uns 
      20´aprox, removendo de vez en cando.

7.   Engadir as gambas, ceboliño e aceite restante, baixar o lume. Cocer 1´máis e servir.




venres, 13 de novembro de 2015

PANTXINETA

A PANCHINETA ou PANTXINETA (euskera) é un típico postre vasco, creado a principios do século XX na pastelaría Otaegui de Donostia (fonte: Diccionario enciclopédico da gastronomía vasca). O seu nome é unha adaptación ao euskera do "franchipán" francés.
Se queredes saber un pouco máis da pantxineta de Otaegui e da Belle Époque donostiarra aquí tedes un enlace interesante.  PANTXINETA





PANTXINETA
           
Ingredientes

·         2 láminas de masa follada
·         1 ovo
·         75 g de améndoa fileteada crúa

      Crema
·         250 ml de leite
·         2 xemas de ovo
·         60 g de azucre
·         25 g de maicena
·         20 g de manteiga
·         100 g de améndoa moída
·         Casca de limón
                                              
Preparación

1.  Nun cazo, ferver o leite + casca de limón. Retirar e coar.

2. Bater xemas + azucre. + (maicena diluída nun pouco de leite tibio) e engadilas ao cazo e remexer. Cocer ao baño maría e retirar. + Manteiga. + Améndoa moída (lixeiramente torrada nunha tixola).

3. Facer discos (6) de masa follada de 10 cm e 12 cm de diámetro (pinchar os últimos).

4. Dispoñelos do seguinte xeito: círculo pequeno + crema (deixar libres os bordos para pincelalos con ovo batido) + círculo grande. Presionar os bordos para selalos.

5. Pincelar a superficie co resto do ovo, + láminas de améndoa. Ao forno a 180ºC / 35´aprox.

6.  Arrefriar e esparexer con azucre glace.


sábado, 7 de novembro de 2015

O MAGOSTO

Esta festa  non deixa de estar presente no noso calendario de festas tradicionais. Todo o colexio celebra desde fai varios anos a súa festa no MONTE  DOS POZOS.
Aquí tedes este enlace para saber un pouco máis do MAGOSTO: orixe, etimoloxía, o magosto na literatura popular...






CEBOLA, CEBOLIÑA, CEBOLIÑO

Cociñamos coa CEBOLIÑA e o CEBOLIÑO e podemos acercanos a eles para coñecer as súas particularidades gastronómicas, nutrinacionais e terapéuticas.

  
       ceboliño




xoves, 5 de novembro de 2015

OVOS RECHEOS CON GAMBAS

Un entrante clásico no noso obradoiro de cociña. Aquí queremos presentar unha variante con iogurt, mostaza... Quedounos a mar de ben, ou iso creo, vistas as caras de satisfacción no momento de degustar o prato.
Parabéns equipo!




OVOS RECHEOS CON GAMBAS
           
Ingredientes

·         6 ovos
·         1 ceboliña
·         300 g de gambas cocidas
·         ½ iogurt natural desnatado
·         2 tomates
·         2 culleres de mostaza
·         Follas de ensalada variada
·         Zume de limón
·         Ceboliño
·         Aceite de oliva / sal / pementa
                                              
Preparación

1.    Cocer os ovos en auga salgada 10´. Arrefrialos e pelalos.

2.    Pelar as gambas e picalas finas (reservar doce enteiras).

3.  Limpar a ceboliña e picala moi miúda. Limpar os tomates e cortalos en cadradiños.

4.   Nun bol: iogurt + mostaza + gotas de zume de limón + 1 culleriña de aceite + sal + pementa. Mesturar. 
+ Gambas picadas + ceboliña + tomate.

5.    Cortar ovos pola metade. Retirar e picar 4 xemas e incorporalas á mestura e rechear os ovos con ela.

6.    Decoralos coas gambas reservadas e co ceboliño lavado e picado.

7.   Colocalos sobre as follas de ensalada aliñadas con sal + zume + aceite.