receitas, artigos, sabías que? trucos, +cociñas, cociñando palabras, de cine, de literatura

xoves, 17 de decembro de 2015

VOLOVÁN DE COGOMELOS, LANGOSTINOS E XAMÓN

E como non podía ser menos, aquí deixamos o entrante para as vosas comidas de Nadal. Nós xa demos boa conta deles e abofé que estaban ricos. 

Felices festas!





“VOL-AU-VENT” DE XAMÓN, COGOMELOS E  LANGOSTINOS

           
Ingredientes ( 4 persoas)

·         Volováns
·         6 langostinos
·         75 g de cogomelos
·         30 g de xamón
·         1 culler de queixo emmental relado
·         1 allo
·         4 culleres sopeiras de nata líquida
·         Aceite de oliva
                                  
Preparación

1.   Nunha tixola refogar o allo co aceite ata que doure. + cogomelos picados e sazoados.

2.    + Langostinos pelados e picados finamente. + Xamón picado fino.

3.    + Nata e reducir.

4.    Rechear os volováns . Esparexer o queixo e gratinar no forno. Servir.




venres, 11 de decembro de 2015

HISTORIA E ELABORACIÓN DO TURRÓN DE XIXONA E ALICANTE


A nosa receita está elaborada co TURRÓN DE XIXONA. Neste vídeo poderás coñecer e diferenciar os turróns "DUROS" e "BRANDOS", un pouco da súa historia e da súa elaboración.



Neste outro enlace accederás a unha fábrica de turrón e seguirás todos os pasos para a súa elaboración. (ver vídeo a partir do minuto 34:55).





TIRAMISÚ CON CREMA DE TURRÓN


Xa están aquí as festas do Nadal. Incluídas todas aquelas "parafernalias" de adornos, agasallos, enchentas familiares, de amigos ou de traballo.
Nós tamén queremos estar en primeira liña de saída e para iso imos celebralo con este "agasallo" gastronómico, fácil de preparar e espectacular na súa elaboración e posterior degustación.




TIRAMISÚ CON CREMA DE TURRÓN
           
Ingredientes

·         200 g de biscoitos de soletilla (ver receita)
·         250 g de queixo mascarpone
·         150 g de turrón de Xixona
·         500 ml de nata para montar
·         50 g de azucre
·         2 tazas de café preparado
·         75 ml de leite
·         50 ml de licor doce
·         Cacao en po / azucre
                                              
Preparación

1.    Bater queixo + 25 g azucre ata quedar cremoso.

2.    Montar nata (+azucre ao gusto) e incorporala ao queixo de forma envolvente.

3.   Triturar leite + turrón. Engadilo á preparación anterior. Formar crema suave e homoxénea. Unha terceira parte desta pasala á manga pasteleira de boca ancha. Reservar na neveira.

4.    Mesturar o café + resto azucre + licor. Mollar os biscoitos e cubrir o fondo do molde.

5.    Verter 1/3 da crema e estendela. + Cacao.

6.   Repertir outra vez a operación. Rematar cunha capa de crema. Coa manga pasteleira, dispoñer na superficie rosetóns coa crema de turrón. Á neveira 30´. Barutar con cacao no momento de servir.



Incorporamos a receita dos BISCOITOS DE SOLETILLA para coroar a elaboración do tiramisú e que, nunha ocasión anterior, tivemos o pracer de elaboralos e degustalos no noso obradoiro.


BISCOITOS DE SOLETILLA
           
Ingredientes

·         3 ovos
·         75 g de azucre
·         1 culler de azucre avainillado
·         Un chisco de sal
·         75 g de fariña
·         ½ culler de levadura en po
·         Azucre glacé 
                                              
Preparación

1.   Bater nunha cunca: xemas + azucre + azucre avainillado ata conseguir unha mestura esponxosa e esbrancuxada.

2.    Tamizar a fariña + levadura en po sobre a preparación anterior e remexer.

3.   Noutra cunca montar as claras a punto de neve firme co sal e incorporalas pouco a pouco á mestura anterior de forma envolvente.

4.  Rechear unha manga pasteleira coa masa e cunha boquilla lisa e grande  formar tiras de 7-8 cm de largo por 2 de ancho aprox. sobre papel de forno. Cubrir con azucre glacé.

5.   Ao forno prequecido a 200º durante 12´. Arrefrialos e despegalos do papel. Servir.



xoves, 3 de decembro de 2015

CHAMPIÑÓNS CON POLO E XAMÓN


Con esta nova proposta a nosa cociña vai collendo ritmo cara as festas do Nadal e esperamos estar á altura dos eventos gastronómicos que nos esperan.




CHAMPIÑÓNS CON POLO E XAMÓN
           
Ingredientes

·         Champiñóns grandes
·         200 g de peituga de polo
·         100 g de xamón curado
·         1 cebola
·         1 dente de allo
·         Tomates secos
·         2 culleres de aceite de oliva
·         Perexil
·         Pan relado
·         Sal e pementa
                                              
Preparación

1.    Retirar a base terrosa dos champiñóns. Lavalos e secalos.

2.    Separar os sombreiros e picalos, reservar o resto. Lavar, secar e picar o polo.

3.    Saltear 5´nunha tixola con aceite quente os champiñóns e retiralos.

4.   Engadir o allo e douralo. Incorporar a cebola picada e pochala 8´. + Pés dos champiñóns. + Tomates secos picados. + Polo, ata douralo. + Xamón, +1/2 do perexil e cocer 1´.

5.    Salpimentar. Rechear  os champiñóns e coroalos con pan relado e ao forno 10´a 180ºC.

6.    Decorar co resto do perexil e servir.



luns, 30 de novembro de 2015

TRENZA DE FROITOS SECOS E ARANDOS


ENSAIO -ERROR. As cousas non sempre saen á primeira. E a nós, tampouco. 
O primeiro intento saínos pouco feito no interior, estaba claro que ese non era o seu punto. Despois da cata, o noso equipo de CHEFS foi unánime: crúa.
Respetamos as características de cocción da receita orixinal (a 180ºC) e non puido ser,  tivemos que subir a temperatura no novo intento, a 200ºC. 
E a proba tédela diante.
A cociña ten o seu aquel e hai que dar con el.






TRENZA DE FROITOS SECOS E ARANDOS
           
Ingredientes

·         1 prancha de masa follada
·         50 g de noces
·         50 g de pistachos
·         50 g de arandos
·         Natillas
·         Unha clara de ovo
·         50 g de azucre glace
                                              
Preparación

1.    Picar lixeiramente os froitos secos e misturalos cos arandos.

2.   Estirar a masa follada e cubrila coas natillas sen chegar aos bordos. Engadir os froitos secos.

3.   Dobrar a masa sobre o recheo. Á neveira 10´ para poder manexala logo mellor.

4.    Cortala pola metade ao longo sen chegar ao final, teñen que quedar unidas.

5.  Trenzar as dúas tiras deixando o recheo á vista, cara arriba. Ao forno 30´ aprox. a 200ºC

6.    Bater a clara coa azucre e pintar a trenza co glaseado e introducila de novo no forno, xa apagado, 8´

7.    Arrefriar e servir.



ARANDOS


Na nosa receita de TRENZA DE FROITOS SECOS E ARANDOS empregámolos sustituíndo as pasas de Corinto. Desexabamos darlle un toque distinto á nosa proposta doce da semana. 
Pensando nas festas de  Nadal podería ser un postre do agrado de todos e fácil de facer.



          ARANDEIRA / ARANDOS



martes, 24 de novembro de 2015

ARROZ MELOSO CON LANGOSTINOS

Claro que disfrutamos coa receita. A medida que iamos integrando os ingredientes, un glorioso arrecendo comezaba a invadir a cociña e apuraba aínda máis as gañas de rematar para saborear o resultado.
E abofé que non andabamos desencamiñados.
UNHA MELOSA DELICIA!




ARROZ MELOSO DE LANGOSTINOS
           
Ingredientes

·         300 g de arroz de gran redondo
·         10 langostinos
·         ½ porro / ceboliño
·         1 cebola
·         1 dente de allo
·         1 vasiño de viño branco
·         2 tomates / 1 culler tomate concentrado
·         Pemento vermello
·         Caldo de peixe
·         100 ml de aceite de oliva
·         2 culleres de manteiga
·         Sal e pementa
                                              
Preparación

1.   Picar a cebola, o allo e o porro (limpo e lavado).

2.   Pelar os langostinos e sofreír as cascas e as cabezas 5´ cun pouco de aceite. Apretalas para que solten o xugo. Engadir o viño, cocer 2´ e bañar co caldo de peixe quente. Reducir 10´-15´.

3.   Saltear os langostinos (torados) coa manteiga e a metade do aceite. Retiralas.

4.    Nese aceite, + (cebola, allo, porro, pemento) 8´. + Tomate relado 10´.

5.    Engadir o arroz, salpimentalo e perlalo 1´, sen deixar de movelo.

6.   Engadir o caldo coado (1arroz x 3 caldo), pouco a pouco, e cocer uns 
      20´aprox, removendo de vez en cando.

7.   Engadir as gambas, ceboliño e aceite restante, baixar o lume. Cocer 1´máis e servir.




venres, 13 de novembro de 2015

PANTXINETA

A PANCHINETA ou PANTXINETA (euskera) é un típico postre vasco, creado a principios do século XX na pastelaría Otaegui de Donostia (fonte: Diccionario enciclopédico da gastronomía vasca). O seu nome é unha adaptación ao euskera do "franchipán" francés.
Se queredes saber un pouco máis da pantxineta de Otaegui e da Belle Époque donostiarra aquí tedes un enlace interesante.  PANTXINETA





PANTXINETA
           
Ingredientes

·         2 láminas de masa follada
·         1 ovo
·         75 g de améndoa fileteada crúa

      Crema
·         250 ml de leite
·         2 xemas de ovo
·         60 g de azucre
·         25 g de maicena
·         20 g de manteiga
·         100 g de améndoa moída
·         Casca de limón
                                              
Preparación

1.  Nun cazo, ferver o leite + casca de limón. Retirar e coar.

2. Bater xemas + azucre. + (maicena diluída nun pouco de leite tibio) e engadilas ao cazo e remexer. Cocer ao baño maría e retirar. + Manteiga. + Améndoa moída (lixeiramente torrada nunha tixola).

3. Facer discos (6) de masa follada de 10 cm e 12 cm de diámetro (pinchar os últimos).

4. Dispoñelos do seguinte xeito: círculo pequeno + crema (deixar libres os bordos para pincelalos con ovo batido) + círculo grande. Presionar os bordos para selalos.

5. Pincelar a superficie co resto do ovo, + láminas de améndoa. Ao forno a 180ºC / 35´aprox.

6.  Arrefriar e esparexer con azucre glace.