receitas, artigos, sabías que? trucos, +cociñas, cociñando palabras, de cine, de literatura

xoves, 8 de novembro de 2018

BUÑUELOS

Chegado o tempo de novembro, de Todos os Santos, non podemos escaparnos do pracer de saborear os buñuelos.
Ricos non, riquísimos. E que ben nos saen coa nosa proposta.
A maxia de ver subir os buñuelos e voltearse na tixola, frotando no aceite a ferver é pura lambonería.




BUÑUELOS 

 Ingredientes buñuelos

·         Catro ovos
·         125 g de fariña + ½ sobre de levadura
·         25 g de manteiga
·         Dúas culleres de azucre
·         Rela de limón
·         1 ¼ vaso de auga
·         Chisco de sal
·         Azucre
·         Aceite

Preparación

1.    Mesturar nun cazo: auga + manteiga + azucre + rela de limón + sal.

2.   Cando ferva, engadir a fariña de golpe e remexer cunha culler de madeira ata que a masa se separe das paredes do cazo. Separar do lume.

3.   Coa masa temperada, engádense os ovos un a un. Non engadir o seguinte ata que o anterior estea integrado. No derradeiro ovo, dependendo da textura da masa pódese engadir somentes a xema.

4.   Quecer o aceite nunha tixola fonda. Cando aínda non estea moi quente, coa axuda de dúas culleriñas, botar pequenos montonciños de masa coa tixola retirada do lume. Deixar que inflen e arrimar de novo a tixola ao lume para que doren.

5.   Escorrer e sacar da tixola para un papel absorbente. Arrefrialos e salferilos coa azucre.

6.    Rechealos coa crema pasteleira, nata montada, trufa...

mércores, 7 de novembro de 2018

QUICHE LORRAINE

Hoxe tivemos que compartir protagonismo coa avispa asiática.
Tranquilos-as. 
Na hora de cociña coincidimos cunha charla no colexio dun axente forestal para amosarnos a problemática que este insecto está a crear na nosa Comunidade e tivemos que compartir tempos. E quedámonos cortos na nosa elaboración. Faltounos tempo para rematar de cociñar e poder saborear o resultado final. Quedou no forno...E demos conta dela ao día seguinte e o seu aspecto baixou enteiros no visual pero non no sabor. Outra vez será.




QUICHE   LORRAINE 
               
Ingredientes para a masa quebrada

·         150 g de fariña
·         70 g de manteiga
·         ½  culleriña de sal
·         ½  culleriña  de azucre
·         1 xema de ovo
·         Un chorriño de leite

Ingredientes para o recheo

·         Tiras de touciño entrefebrado
·         Tiras de xamón cocido
.          Pemento morrón
·         200 g queixo relado
·         250 cl de nata líquida
·         4 ovos
·         1 vaso de leite fría

Preparación

1.  Misturamos todos os ingredientes nesa orde. Facemos unha bóla e forrada con film a metemos na neveira media hora.

2.  Nun molde enfariñado estiramos a masa. Ao forno, 10´-15´ a 180ª  sin que dore. Pintamos con clara de ovo para impermeabilizala e un minuto ao calor do forno.

3.  Pasamos pola tixola o touciño entrefebrado. Posteriormente engadimos: o xamón e o pemento morrón. 

4.    Bater os ovos coa nata e o leite.

5.   Colocamos na base o recheo e engadimos a cantidade necesaria do apartado 4  máis o resto do queixo por riba.

6.    Ao forno a 180º ata que calle e dore.

TIRAMISÚ

Seguimos repasando as receitas co novo grupo de cociña...E non podía faltar un toque italiano, rico onde o haxa...


TIRAMISÚ 
           
Ingredientes

·         200 g de biscoitos de soletilla (ver receita)
·         250 g de queixo mascarpone
·     250 g de queixo cremoso
·         50 g de azucre
·         2 tazas de café preparado
·         75 ml de leite
·         50 ml de licor doce
·         Cacao en po / azucre
                                              
Preparación

1.    Bater os queixos + 25 g azucre ata quedar cremosos.

2.    Formar crema suave e homoxénea. Unha terceira parte desta pasala á manga pasteleira de boca ancha. Reservar na neveira.

4.    Mesturar o café + resto azucre + licor. Mollar os biscoitos e cubrir o fondo do molde.

5.    Verter 1/3 da crema e estendela. + Cacao.

6.   Repertir outra vez a operación. Rematar cunha capa de crema. Coa manga pasteleira, dispoñer na superficie rosetóns coa crema de turrón. Á neveira 30´. Barutar con cacao no momento de servir.



Incorporamos a receita dos BISCOITOS DE SOLETILLA para coroar a elaboración do tiramisú e que, nunha ocasión anterior, tivemos o pracer de elaboralos e degustalos no noso obradoiro.



BISCOITOS DE SOLETILLA
           
Ingredientes

·         3 ovos
·         75 g de azucre
·         1 culler de azucre avainillado
·         Un chisco de sal
·         75 g de fariña
·         ½ culler de levadura en po
·         Azucre glacé 
                                              
Preparación

1.   Bater nunha cunca: xemas + azucre + azucre avainillado ata conseguir unha mestura esponxosa e esbrancuxada.

2.    Tamizar a fariña + levadura en po sobre a preparación anterior e remexer.

3.   Noutra cunca montar as claras a punto de neve firme co sal e incorporalas pouco a pouco á mestura anterior de forma envolvente.

4.  Rechear unha manga pasteleira coa masa e cunha boquilla lisa e grande  formar tiras de 7-8 cm de largo por 2 de ancho aprox. sobre papel de forno. Cubrir con azucre glacé.

5.   Ao forno prequecido a 200º durante 12´. Arrefrialos e despegalos do papel. Servir.

mércores, 10 de outubro de 2018

TORTILLA DE PATACAS


Seguindo co éxito colleitado a semana pasada, puxémonos a traballar nun clásico: A TORTILLA DE PATACAS.

Toda a ciencia está en traballar cunha tixola en condicións para evitar os pegados e o volteado, que nos levan, ás veces,  a presentar a nosa tortilla DESESTRUTURADA.

Nós, axudaos polos Deuses da cociña, fixémola ESTRUTURADA.






TORTILLA DE PATACAS
           
Ingredientes

·         300 g de patacas·    
·         5 ovos batidos
·         Unha cebola
·         Aceite
·         Sal

Preparación

1.  Quecer o aceite e sofreír as patacas (previamente lavadas e cortadas en lascas)

2.   Engadir a cebola picadiña.

3.    Bater os ovos nun bol. Engadirlle as patacas pochadiñas despois de quitar o   aceite sobrante coa axuda dun coador.

5.   Callar o preparado por un lado. Cando estea volteámola e callámola polo   outro lado.

TARTA DE AMÉNDOA ou DE SANTIAGO

Benvidos ao curso 2018-2019!

Xa estamos de volta e temos as mans de novo na masa! Un novo grupo de curiosos e curiosas está disposto a deixarse levar pola emoción dos sabores e da maxia da cociña. COMEZAMOS!

Levamos un montón de receitas e ás veces temos que mirar cara atrás e rescatar técnicas ou receitas de toda a vida. Necesitamos que se lancen a cociñar e que disfruten con receitas que saen si ou si.

E puxemos sobre a mesa a...




TARTA DE AMÉNDOA ou DE SANTIAGO
               
Ingredientes

·         250 g de fariña de améndoa
·         250 de azucre
·         Rela dun limón
·         4 xemas de ovo
·         Unha copiña de coñac
·         4 claras a punto de neve

Preparación

1.  Mistúranse todos os ingredientes menos as claras que se deixan para o último momento e agregaranse con movementos envolventes para que non baixen.

2. Nun molde encamisado (manteiga / fariña) botar a masa resultante (é moi aconsellable forrar o fondo do molde con papel de forno)

3.  Ao forno (previamente prequecido) a 180º  / 20´- 30´aprox.

4.  Arrefriar e salferir con azucre glas.


xoves, 7 de xuño de 2018

MILFOLLAS DE MERENGUE E CREMA PASTELEIRA

E rematamos o curso.
E finalizamos a maxia dos fogóns.
E deixamos poso nas mans e nas cabezas.
E quedamos con ganas de máis.
E prometemos volver o curso próximo.

Quixemos deixar un doce, un moi doce sabor de boca nesta derradeira receita curricular,...pero cruzáronse os designios, misturáronse os imprevistos, asaltáronnos as leis non escritas e...queimóusenos a masa follada nun despiste non programado, nun pequeno accidente cunha bandexa quente colocada dun xeito provocativo, para logo quedar todo nun susto. Unha queimadura que non foi pero que nos alterou a o ritmo da cociña. Un merengue que houbo que repetir porque na cociña ás veces non sae todo á primeira. Un reloxo que non paraba de avanzar. 

Pero onde hai ganas hai esperanza. 

E rescatamos un trociño de masa follada.
E o segundo intento co merengue luciu brancura e firmeza.
E montamos a festa con galletas.
E disfrutamos.
E disfrutaron comendo.
E sacamos unha foto que vale un mundo.

Grazas. Grazas a todos e a todas. Doces grazas.



CREMA PASTELEIRA
           
Ingredientes

·         Catro xemas
·         125 g de azucre
·         125 g de nata líquida
·         375 g de leite
·         40 g de Maicena
·         Casca de limón

Preparación

a.   Misturar e quecer nun cazo: leite + nata líquida + metade de azucre + casca de laranxa.

b.    Nun bol, misturar e bater as xemas e ( Maicena + resto do azucre) ata que dobren o seu volume.

c.     Misturar o contido do bol cun pouco de leite do cazo.

d.   Botar todo no cazo co resto do leite (coado previamente) e deixar que espese ao baño María. Remover de seguido para que non se pegue ao cazo.

e.   Cando a crema teña a textura desexada, arrefriala nun recipiente cun papel film transparente por riba da crema para que non colla casca.


Ingredientes ( merengue italiano )
  •         Cantidade de claras = de auga
  •      Triplo de azucre

Preparación

1.    Xarope (azucre + auga) e cocer ata os 120ºC

2.    Montar as claras a punto de neve



3.    Engadir  o xarope (quente) a fío e seguir batendo ata que arrefríe.

RISOTTO DE SENDEIRIÑA E TOMATES SECOS

Repetimos cun novo RISOTTO. Xa fai un par de semanas que cambiamos de grupo e temos que inicialos no mundo do arroz e os cogomelos.
Ata o momento os risottos que elaboramos na nosa cociña foron de nota. 
O RISOTTO é unha variación de RISO, "arroz" en italiano.

"Por más que hemos investigado no hemos podido encontrar el nombre de su inventor, pero si sabemos el año exacto de su descubrimiento, fue en 1.574, también hemos podido averiguar que lo creó un discípulo de Valerio de Flandes, que fue el artista flamenco que hizo las vidrieras del Duomo de Milán. Su historia o leyenda, según la credulidad de cada uno, nosotros nos inclinamos por lo primero, es como mínimo pintoresca y muy acorde con las historias del renacimiento tan dado al esplendor.
Se cuenta que su inventor, un joven italiano, se enamoro de la hija del maestro Valerio, que según cuentan era bellísima, la pidió en matrimonio y se celebró la boda. El novio, aficionado a la cocina, hizo preparar un plato con el que sorprendería a sus invitados, algo sencillo e ingenioso, un arroz coloreado con azafrán, que al ser inocuo no haría perder el sabor de esta gramínea. La idea le vino por utilizar el azafrán para preparar los colores, los amarillos y los tostados, en realidad lo que hizo fue decorar un plato, pero los comensales quedaron maravillados al ver unas impresionantes fuentes llenas de unas pepitas de oro como la que llevan los ríos, siendo desde entonces el colorante ideal para el arroz."

Fonte: http://laprendizdechef.blogspot.com.es/2009/03/origen-del-risotto.html




























RISOTTO DE SENDEIRIÑA E TOMATES SECOS
           
Ingredientes

·         250 g de arroz arborio
·         400 g de sendeiriña
·         50 g de tomates secos en aceite de oliva
·         1 cebola
·         1 dente de allo
·         1/2 vasiño de viño branco
·         1L caldo de verduras
·         75 g de queixo parmesano
·          Aceite de oliva
·         50 g de manteiga
·         Sal e pementa
                                              
Preparación

1.   Levamos a ebullición o caldo e reservámolo quente. Hidratamos os         cogomelos.

2.  Sofreímos con tres culleres de aceite a cebola (2´) + o allo picado (1´). + cogomelos hidratados e salteamos ata que evaporen a auga que soltan.

3.    + Arroz. Cociñamos uns minutos. + Viño e tomates secos piacos en tiriñas e reducir uns minutos.

4.   Agregamos caldo quente( 3 vasos), pouco a pouco, e removemos o arroz. Proseguimos a cocción de 16´a 18´ agregando caldo, caciño a caciño, según se vaia evaporando.

5.  Fóra do lume: + manteiga, + queixo. Remexemos e deixamos repousar. Salpementamos lixeiramente. Decoramos cuns poucos tomates e lascas de queixo  e un pouco de ceboliña picada.