ORELLAS

 TEMPO DE ENTROIDO...E NON PODEN FALTAR AS ORELLAS!!!!!!!

Hai moitas, moitas receitas de orellas. Todas ricas, moi ricas, riquísimas.

Pero hoxe taemos aquí ás da AVOA MUCHA. Benditas avoas que non deixan de sorprendernos. Vai por todas elas esta homenaxe.

...con azucre glas

...con azucre branco normal

ORELLAS

Ingredientes

• 1/2 kg de fariña
• Belisco de sal
• 2 ovos
• 80 g de manteiga de porco en pomada
• Auga temperada (a necesaria para que a masa teña a consistencia axeitada)
• Aceite de xirasol para fritir
• Azucre

Preparación


1. Facemos un volcán coa fariña e engadimos o resto dos ingredientes (ovos, manteiga, leite, reladura,        sal) e amasamos todo uns 10´, ata que estea todo ben integrado.

2. Engadiremos pouco a pouco a auga temperada para darlle a consistencia ideal á masa.

3. Despois de deixar a masa en repouso, estirámola moi finiña e cortámola nas porcións desexadas..

4. Fritímolas co aceite ben quente polos dous lados. Retirámolas e as colocamos sobre papel de cociña        para que absorba o aceite sobrante.

5. Cando estean frías, botámoslle azucre ao gusto

CANAS DE CREMA PASTELEIRA

 

CANAS DE CREMA PASTELEIRA

               

Ingredientes        

• Masa milfollas

• ( 12 cilindros metálicos)

Preparación

1.  Etirar a masa, despois de desconxelala a temperatura ambiente, sobre unha superficie enfariñada.

 

2. Cortala en tiras (ao gusto) e enrolalas nos cilindros metálicos sen chegar aos extremos. Selar con auga e pintalas con ovo batido.

3.  Ao forno prequecido a 200ºc / 10´-15´

4.  Desmoldar, arrefriar e reencher coa crema pasteleira (ver receita).

 

CREMA PASTELEIRA

           

Ingredientes

•          Catro xemas
•          125 g de azucre
•          125 g de nata líquida
•          375 g de leite
•          40 g de Maicena
•          Casca de limón

Preparación

1.  Misturar e quecer nun cazo: leite + nata líquida + metade de azucre + casca de limón.

 

2.  Nun bol, misturar e bater as xemas e ( Maicena + resto do azucre) ata que dobren o seu volume.

3.  Misturar o contido do bol cun pouco de leite do cazo.

4.  Botar todo no cazo co resto do leite (coado previamente) e deixar que espese ao baño maría. Remover de seguido para que non se pegue ao cazo.

5. Cando a crema teña a textura desexada, arrefriala nun recipiente cun papel film transparente por riba da crema para que non colla casca.

 

TARTA DE CASTAÑAS

 

TARTA DE CASTAÑAS

           

Ingredientes

•          Tres pranchas de masa de biscoito xenovés
•          (ver receita en A cociña de Andersen)
•          400 g de crema de leite
•          150 g de azucre glacé
•          150 g de chocolate negro
•          1 bote mediano de castañas en xarope
•          1 bote de doce de leite
•          1 culleriña de esencia de vainilla
•          (xarope opcional = 125 ml auga + 50 g azucre ou o xarope das                          castañas)*

Preparación

1.    Nun bol: 300 g de crema de leite + 150 g de azucre glacé. Bater a         punto de nata e reservar.

2.    Noutro bol: 100 g de crema de leite + chocolate troceado. Derreter a       lume suave. Retirar e reservar.

3.    Escorrer as castañas, tallalas e remexelas coa vainilla.

4.    Montar a tarta: disco de biscoito* + capa de doce de leite + biscoito*      +  crema de leite montada e coas castañas talladas + biscoito*

5.    Engadirlle ao chocolate a crema de leite montada restante.

6.    Cubrir coa crema de chocolate toda a superficie da tarta. Decorar ao     gusto.

EMPANADA DE ATÚN

 

Despois de dúas sesións de doces, pasamos a dúas receitas salgadas. E tocounos lidiar coa masa follada...

EMPANADA DE ATÚN        

Ingredientes

• Dúas pranchas de masa follada ou normal
• Dúas cebolas
• Atún
• Pemento morrónDous ovos     
• Papel de forno
• Chisco de sal
• Aceite  

 Preparación

1.   Desconxelar a masa a temperatura ambiente.

2.  Picar as cebolas e refogalas a modiño nunha tixola ata   que estean   caramelizadas ao gusto. Engadirlle o pemento picadiño. Chisco de sal.

3.   Engadir o atún  esmigallado. Misturalo co rustrido. 

5.  Estirar unha das pranchas sobre o papel de forno e estender o rustrido. Relar un   ovo cocido. Tapar coa outra prancha e selar os bordes. Pinchar cun garfo a   superficie.

6.  Pincelar cun ovo batido. 

7. Meter a empanada no forno prequecido tendo en conta as recomendacións   do fabricante da masa follada ou cando nos vexamos que a cor da masa ten   unha textura adecuada. (180ºc- 190ºc / 20´- 25´aprox.)

                               

QUICHE LORRAINE

 

E seguindo coas masas salgadas non podemos esquecernos da masa quebrada da quiche. Un bo recheo e...

QUICHE   LORRAINE 

               

Ingredientes para a masa quebrada

·         150 g de fariña

·         70 g de manteiga

·         ½  culleriña de sal

·         ½  culleriña  de azucre

·         1 xema de ovo

·         Un chorriño de leite

Ingredientes para o recheo

·         Tiras de touciño entrefebrado

·         Tiras de xamón cocido

.          Pemento morrón

·         200 g queixo relado

·         250 cl de nata líquida

·         4 ovos

·         1 vaso de leite fría

Preparación

1.  Misturamos todos os ingredientes nesa orde. Facemos unha bóla e   forrada con film a metemos na neveira media hora.

2.   Nun molde enfariñado estiramos a masa. Ao forno, 10´-15´ a 180ª  sin  que dore. Pintamos con clara de ovo para impermeabilizala e un minuto ao calor do forno.

3. Pasamos pola tixola o touciño entrefebrado. Posteriormente     engadimos: o xamón e o pemento morrón. 

4.   Bater os ovos coa nata e o leite.

5.  Colocamos na base o recheo e engadimos a cantidade necesaria do   apartado 4  máis o resto do queixo por riba.

6.   Ao forno a 180º ata que calle e dore.