CRÊPES DE ENSALADA DE PAVO

Este ano o ENTROIDO estivo pasado por auga e vento e os desfiles de comparsas e distintas celebracións programadas suspendéronse. Parece que esta fin de semana van poder darse unha homenaxe todas aquelas comparsas e agrupacións que non puideron lucir as súas mellores galas nos días propios do entroido.
Nós tamén queremos facer unha ponte de unión coa gastronomía carnavaleira e traemos as nosa cociña a crêpe / filloa salgada para despedir o entroido. 
Despois das enchentas de lacón con grelos, un pouco de verde non vén mal. 

CRÊPES DE ENSALADA DE PAVO
  

Ingredientes

·         200 g de friame de pavo

·         Ravos

·         100 g de queixo gruyère

·         150 g de follas de ensalada variadas

·         Un ovo

·         2 culleres sopeiras de fariña

·         ½ laranxa

·         ½ vaso de leite

·         Un chisco de sal

·         3 culleradas de aceite

                                              

Preparación

1.   Laminar o queixo. Lavar as follas de ensalada. Cortar en dadiños os ravos , previamente lavados. Mesturar todo e reservar.

2.   Crêpes: Ovo + leite + 1 cullerada de aceite + 2 cullleradas de fariña + chisco de sal. Bater ata obter unha crema semilíquida e sen grumos. Tapar e repousar 30´.

3.  Nunha tixola quente antiadherente cun pouco de graxa (aceite / manteiga) verter un cullerón da masa. Movela e cuaxala polos dous lados.

4.     Vinagreta: Reladura de laranxa + 3 culleres de aceite + unha de zume.

5.   Na crêpe: Colocar todos os ingredientes + pavo en tiras. Aliñar, decorar coa reladura e servir