OURELLAS DE ENTROIDO

Si. É tempo de entroido e nós ímoslle colocar un doce fin a este entroido ben pasadiño por auga. A chuvia non nos deu tregua pero traballamos baixo cuberta e a nosa cociña cumpriu coa festa das ourellas.
Moitas son as receitas que nestes días agroman nas cociñas das nosas casas, todas feitas con sabiduría culinaria, todas distintas e todas ricas. A nosa non estivo mal e si queredes podedes engadila aos vosos receitarios coa garantía de conquerir un bo resultado.

OURELLAS

Ingredientes

·         4 ovos

·         600 g aprox. de fariña

·         200 g manteiga de porco

·         Unha culler de azucre

·         Reladura de limón

·         Un pouco de auga atemperada cun puñado de sal disolto.

·         Azucre

·         Aceite

                                                          

Preparación

1.    Amasar todos os ingredientes e  engadir pouco a pouco a fariña e a auga co sal   ata que a masa forme unha bola e non se pegue ás mans.

2.    Repousar a masa media hora aprox.

3.    Estirar a masa moi fina e fritilas en aceite moi quente. Escorrelas ben do aceite e engadirlles azucre.