BUÑUELOS DE QUEIXO DE CABRA CON MARMELADA DE FIGOS

Unha delicatesen a que acabamos de elaborar na cociña. Deunos un pouco de traballo napar os trozos de queixo coa pasta para os buñuelos pero finalmente conseguimos un bo resultado para o padal. O toque da mermelada de figos sorprendeu aos padais máis reacios a probar cousas novas, ao final as súas caras foron de aprobación.

figos?             brevas?

E postos a falar...

"Estás coma un figo"                   "Non caerá esa breva"

               (moi fraco)                                  (dificultade de alcanzar algo moi desexado)

BUÑUELOS DE QUEIXO DE CABRA

           

Ingredientes

·         150 g de queixo de cabra cremoso

·         Marmelada de figos

·         masa

·        75 g de fariña

·        2 ovos

·        50 g de manteiga

·        125 ml de leite

·        sal

Preparación

1.   Nun cazo quecer o leite + manteiga + ½ culleriña de sal. Levar a ebulición a lume lento e engadir a fariña de golpe. Remexer cunha culler de madeira ata que a masa se despegue das paredes.

2.    Retirar do lume e atemperar.

3.    Incorporar os ovos de un en un remexendo ata que se integren.

4.    Cortar o queixo en dados e sumerxilos completamente  na masa preparada.

5.   Fritir os buñuelos en abundante aceite quente ata que douren. Escorrelos en papel absorbente.

6.    Servilos coa marmelada ou inxectala nos buñuelos.

Deixámos este enlace para que sigades catando "virtualmente" máis exquisiteces.

QUEIXOS DO MUNDO

SOBAOS PASIEGOS

Esta vez imos achegarnos a Cantabria, concretamente aos Valles Pasiegos, para poder didfrutar deste excelente e coñecido doce cántabro: SOBAOS PASIEGOS.

     Asón-Agüera.

     Besaya.

     Campoo-Los Valles.     Costa Occidental.     Costa Oriental.     Liébana.     Saja-Nansa.     Santander.     Trasmiera.     Valles Pasiegos.

Ingredientes

·         125 g de manteiga

·         125 de fariña

·         125 de azucre

·         2 culleradas de licor de anís

·         1 sobre de levadura en po

·         1 limón

·         3 ovos

·         1 belisco de sal

Preparación

1.    Nun bol: bater os ovos + azucre + manteiga ata que queden branqueciños e escumosos.

2.    Engadirlle a reladura de limón + anís + sal e incorporalos á masa.

3.    Engadir a fariña barutada coa levadura e obter unha masa homoxénea.

4.  Nun molde forrado con papel de forno, verter a masa e nivelala cunha espátula.

5.    Ao forno prequecido a 180ºC / 15´aprox.

6.    Retirar e atemperar a temperatura ambiente. Desmoldar e cortar en porcións.

CANAS FRITIDAS CON NATA

XA ESTAMOS DE VOLTA!
EMPEZAMOS  UN NOVO CURSO, 2016-17!

GRAZAS ás máis de 2200 visitas recibidas ao longo desta andaina culinaria e a todos e todas que nos animan a traballar nos fogóns do noso colexio.

Este ano queremos ampliar aínda máis a nosa proposta escolar e culinaria, temos novas ideas que iremos desenvolvendo ao longo do curso, sempre coa mente posta en APRENDER APRENDENDO desde o noso obradoiro de cociña. Contamos coa ilusión e participación de todos e todas. Grazas por seguir aí.

E que mellor que botar unhas canas ao aire para deleite dos máis galdrumeiros. Este ano o noso obradoiro vai contar cun grupo entregado e para mostra aquí tedes esta sinxela e exquisita receita e oao noso equipo coas mans na masa.

CANAS FRITIDAS CON NATA

Ingredientes

·         210 g de fariña

·         50 ml de viño branco

·         50 ml de leite

·         50 ml de aceite de xirasol

·         Chisco de sal

Preparación

1.   Nun bol, mesturar todos os ingredientes ata formar unha bóla que se poida manexar.

2.    Traballar un tempo a masa. Estirala nunha superficie moi fina.

3.    Encanutillar cos moldes e fritir en abundante aceite quente.

4.    Desmoldar e deixar arrefriar.

5.    Rechealas coa nata montada e esparexer co azucre glace.

ESPAGUETIS Á CARBONARA

Rematamos este curso 2015-16 cun clásico para os padais dos noso equipo de cociña. Démonos un festín gastronómico e bágoa que non houbese máis,  xa que os seus estómagos non se daban enchido con tan suculenta proposta.

 E tamén estamos contentos porque xa está en marcha a primeira fase do noso XARDÍN GASTRONÓMICO, creado nunha xardineira do noso colexio. Esta proposta queda aberta para uso e disfrute na nosa cociña e para as cociñas do resto da comunidade educativa do noso centro.

Desde aquí queremos dar as grazas a todos-as os que participaron no noso obradoiro de cociña este curso, esperando que o próximo curso escolar volvamos a encher de aromas os corredores do noso colexio e poder abrir o apetito coas novas propostas culinarias. Tamén queremos seguir espertando a curiosidade e o espíritu crítico a través da información que xurda das nosas páxinas e dos enlaces co mundo da cociña e a alimentación. 

Unha aperta.

ESPAGUETIS Á CARBONARA

           

Ingredientes

·        400 g de espaguetis

·        200 g de touciño entrefebrado

·        6 xemas de ovo

·        6 culleradas de nata líquida

·        70 g de queixo parmesano relado

·        70 g de manteiga

·        pementa moída

·        sal

Preparación

1.    Poñer ao lume unha ola con abundante auga salgada.Levar a ebullición, botar os espaguetis cando a auga empece a ferver, mover de cando en vez. Escorrer a pasta.

2.    Bater as xemas coa nata.

3.    Engadir o sal e o queixo relado.

4.    Nunha tixola, dourar o touciño a lume suave na súa propia graxa. Sazoar con pementa.

5.   Noutra tixola derreter a manteiga e engadir os espaguetis con dúas ou tres culleradas da propia cocción. Mesturar.

6.   Engadir o touciño coa súa propia graxa.

7.  Retirar a tixola do lume, verter sobre a pasta a crema de nata e xemas. Mesturar rapidamente a lume moi suave.

8.    Poñelos nunha fonte e servilos coroados cun pouco de albahaca fresca.

GÚSTANCHE AS FROITAS E VERDURAS FEAS?

Non só estamos aquí para elaborar receitas. Tamén estamos aquí para compartir.

Para compartir opinións. Para alimentar debates. Para saber máis.

Grazas a xente como ESTURIRAFI, hoxe queda no aire a pregunta en cuestión.

GÚSTANCHE AS FROITAS E VERDURAS FEAS?

GÚSTANME AS FROITAS E VERDURAS FEAS!

GÚSTANLLES AS FROITAS E VERDURAS FEAS...