PIZZA DE LACÓN CON GRELOS

Arrancamos o ano 2016 cunha proposta popular entre todos nós: PIZZA.

E certamente comezamos con bo pé, xa que, por primeira vez, arriscámonos a facer a masa de forma caseira e tradicional e o éxito acompañounos novamente. Rica a masa e ricos os ingredientes.

Deixámos constancia aquí da receita da masa e a nosa proposta de pizza de lacón con grelos. Bo apetito!

E vaia subidón para un quilo de fariña!

PIZZA DE LACÓN CON GRELOS

           

Ingredientes

·         500 g de fariña de trigo de forza

·         250 ml de auga morna

·         12 g de sal

·         25 ml de aceite de oliva virxen extra

·         12 g de levadura fresca de panadería

·         Friame de lacón, queixo.

·         Grelos envasados ao natural

·         Chourizo

·         Salsa de tomate

                                              

Preparación

1. Nun bol: un burato coa fariña e no centro a levadura disolta na auga. Mesturamos.

2.    + Aceite, + sal e seguimos mesturando.

3.   Enfariñamos a zona de amasado e traballamos a masa coas mans uns 10´ ata que non se pegue ás mans, ten que quedar elástica e homoxénea.

4.   Formamos unha bóla, enfariñamos un bol e deixámola fermentar nel, tapada cun pano, uns 45´-60´aprox.

5.    Estiramos a masa con coidado e paciencia.

6.    Ao forno, previamente quecido e engadidos os ingredientes, a 200ºC o tempo necesario ata que se faga.

VOLOVÁN DE COGOMELOS, LANGOSTINOS E XAMÓN

E como non podía ser menos, aquí deixamos o entrante para as vosas comidas de Nadal. Nós xa demos boa conta deles e abofé que estaban ricos. 

Felices festas!

“VOL-AU-VENT” DE XAMÓN, COGOMELOS E  LANGOSTINOS

           

Ingredientes ( 4 persoas)

·         Volováns

·         6 langostinos

·         75 g de cogomelos

·         30 g de xamón

·         1 culler de queixo emmental relado

·         1 allo

·         4 culleres sopeiras de nata líquida

·         Aceite de oliva

                                  

Preparación

1.   Nunha tixola refogar o allo co aceite ata que doure. + cogomelos picados e sazoados.

2.    + Langostinos pelados e picados finamente. + Xamón picado fino.

3.    + Nata e reducir.

4.    Rechear os volováns . Esparexer o queixo e gratinar no forno. Servir.

HISTORIA E ELABORACIÓN DO TURRÓN DE XIXONA E ALICANTE

A nosa receita está elaborada co TURRÓN DE XIXONA. Neste vídeo poderás coñecer e diferenciar os turróns "DUROS" e "BRANDOS", un pouco da súa historia e da súa elaboración.

Neste outro enlace accederás a unha fábrica de turrón e seguirás todos os pasos para a súa elaboración. (ver vídeo a partir do minuto 34:55).

TIRAMISÚ CON CREMA DE TURRÓN

Xa están aquí as festas do Nadal. Incluídas todas aquelas "parafernalias" de adornos, agasallos, enchentas familiares, de amigos ou de traballo.
Nós tamén queremos estar en primeira liña de saída e para iso imos celebralo con este "agasallo" gastronómico, fácil de preparar e espectacular na súa elaboración e posterior degustación.

TIRAMISÚ CON CREMA DE TURRÓN

           

Ingredientes

·         200 g de biscoitos de soletilla (ver receita)

·         250 g de queixo mascarpone

·         150 g de turrón de Xixona

·         500 ml de nata para montar

·         50 g de azucre

·         2 tazas de café preparado

·         75 ml de leite

·         50 ml de licor doce

·         Cacao en po / azucre

                                              

Preparación

1.    Bater queixo + 25 g azucre ata quedar cremoso.

2.    Montar nata (+azucre ao gusto) e incorporala ao queixo de forma envolvente.

3.   Triturar leite + turrón. Engadilo á preparación anterior. Formar crema suave e homoxénea. Unha terceira parte desta pasala á manga pasteleira de boca ancha. Reservar na neveira.

4.    Mesturar o café + resto azucre + licor. Mollar os biscoitos e cubrir o fondo do molde.

5.    Verter 1/3 da crema e estendela. + Cacao.

6.   Repertir outra vez a operación. Rematar cunha capa de crema. Coa manga pasteleira, dispoñer na superficie rosetóns coa crema de turrón. Á neveira 30´. Barutar con cacao no momento de servir.

Incorporamos a receita dos BISCOITOS DE SOLETILLA para coroar a elaboración do tiramisú e que, nunha ocasión anterior, tivemos o pracer de elaboralos e degustalos no noso obradoiro.

BISCOITOS DE SOLETILLA

           

Ingredientes

·         3 ovos

·         75 g de azucre

·         1 culler de azucre avainillado

·         Un chisco de sal

·         75 g de fariña

·         ½ culler de levadura en po

·         Azucre glacé 

                                              

Preparación

1.   Bater nunha cunca: xemas + azucre + azucre avainillado ata conseguir unha mestura esponxosa e esbrancuxada.

2.    Tamizar a fariña + levadura en po sobre a preparación anterior e remexer.

3.   Noutra cunca montar as claras a punto de neve firme co sal e incorporalas pouco a pouco á mestura anterior de forma envolvente.

4.  Rechear unha manga pasteleira coa masa e cunha boquilla lisa e grande  formar tiras de 7-8 cm de largo por 2 de ancho aprox. sobre papel de forno. Cubrir con azucre glacé.

5.   Ao forno prequecido a 200º durante 12´. Arrefrialos e despegalos do papel. Servir.

CHAMPIÑÓNS CON POLO E XAMÓN

Con esta nova proposta a nosa cociña vai collendo ritmo cara as festas do Nadal e esperamos estar á altura dos eventos gastronómicos que nos esperan.

CHAMPIÑÓNS CON POLO E XAMÓN

           

Ingredientes

·         Champiñóns grandes

·         200 g de peituga de polo

·         100 g de xamón curado

·         1 cebola

·         1 dente de allo

·         Tomates secos

·         2 culleres de aceite de oliva

·         Perexil

·         Pan relado

·         Sal e pementa

                                              

Preparación

1.    Retirar a base terrosa dos champiñóns. Lavalos e secalos.

2.    Separar os sombreiros e picalos, reservar o resto. Lavar, secar e picar o polo.

3.    Saltear 5´nunha tixola con aceite quente os champiñóns e retiralos.

4.   Engadir o allo e douralo. Incorporar a cebola picada e pochala 8´. + Pés dos champiñóns. + Tomates secos picados. + Polo, ata douralo. + Xamón, +1/2 do perexil e cocer 1´.

5.    Salpimentar. Rechear  os champiñóns e coroalos con pan relado e ao forno 10´a 180ºC.

6.    Decorar co resto do perexil e servir.